Do rive, un ponte, e tanti nidi in busa! Brava zente, che strussia, ghe dimora; no’, se conosse brassi che se pusa, ne casta che ve viva da signora.

El ricordo de geri ancora brusa, anca s’el tempo la cornise indora e sora le più crose le man pusa i fiori sul passà che parla ancora!

O Piave caro, che Te passi e tasi, co’l To nome de gloria e de dolor, godemo la carezza dei To basi e la To storia custodimo in cuor. Te vardemo passar e Ti ne piasi: dal vecio ponte Te butemo un fior!